第一張FastPass

入到樂園見右手邊人頭湧湧, 八卦精神驅使下(唔好執輸), 我們立即跑去看個究竟, 原來係拿地圖, 當然我手快地拿左兩份地圖, 我的朋友問應該還有一張綠色的, 又再回去睇下, 眼見附近有一個人手上拿著很多張綠色的手冊, 所以問他"可以給我兩張嗎?", 其實他只係企係度等朋友, 好瘀>___<, 原來綠色手冊在右上角的一小格上才有, 現在手上有地圖和綠色的節目時間表, 正式步入樂園! ^__^

第一個見到的地方就是美國小鎮大街, 這裡有好多商店, 女仕們見到一定會好唔捨得離開, 買"手信"幾時都可以買, 入場之前已經知道有所謂FastPass 的東西, 所以排隊玩"巴斯光年星際歷險"之前先去"飛越太空山"拿FastPass, 之後才回去排"巴斯光年".

這是第一次去拿FastPass, 其實都唔知FastPass係怎麼樣? 戰戰兢兢來到"飛越太空山"入口, 見到一個工作人員, 問她FastPass應該從那裡拿, 原來係排隊入去玩附近, 有幾部機, 只要你將入場票放入去, 它就會自動給回我們一張FastPass, 但要逐張拿, 上面一行寫上什麼時候我們可以回來玩, 下面一行就告訴我們幾時可以再拿另一張FastPass, 這樣我們各自拿下一張FastPass, 當時時間是10:45左右, 但竟然要我們1:00PM-2:00PM再回來, 12:45pm可以再拿下一張FastPass. 拿完FastPass, 立即趕回去排一條長長的"巴斯光年"...