"巴斯光年星際歷險"

拿了第一張FastPass, 我們興高采烈地回到"明日世界"裡面的"巴斯光年星際歷險"附近, 但第一件事就係要找尋隊尾, 無任何指引之下, 我們見到一條龍, 當然第一時間排係隊尾先, 跟住我留下我朋友獨自一人繼續排隊, 然後去找龍頭去証實我們有無排錯隊, 跟著條龍, 找到入口, 亦由演藝人員口中証實, 無排錯隊, 立即飛奔回朋友處會合, 免得她等我太耐, 回去時, 原來我朋友已經行前左都幾遠, 在大雨中, 我們一步一步地向前行, 突然有幾個演藝人員出來圍繩, 維持秩序, 等左大約個半小時, 終於入到去, 中途你會見到巴斯光年講野, 其實個頭係一個立體影像, 做得好靚, 記住多加留意, 沿途當然唔少得影下相, 我地影左幾張即影即有相tim... ^__^




終於見到架車(飛船!?), 只有兩個座位, 前面有兩枝紅外線槍, 目的係用這兩枝槍射敵人身上面的"Z"牌, 可惜射出來既紅點好細, 好難睇, 又無瞄準器, 好難瞄準, 方法係找出自己既紅點, 然後不斷移動去目標, 增加命中率, 完結後你會有一個分數, 根據分數而給與你一個評級, 我係Level 4, 我朋友係Level 2, 數字高代表命準率高, 出口處右邊你會見到一個大牌, 寫上Level 1-5既等級...



係出口你會見到一個專賣"巴斯光年"既精品店, 迪士尼果然唔放過任何找錢的機會... :P

評語:
個人意見, 雖然這是迪士尼入面其中一個最互動的遊戲, 但整體感覺好悶, 唔知拿左Level又如何, 又無排行榜...

好玩度(5*最正): **